Aankh Mein Nami Kyun Hai

Muddat ho gyi rote hue phir aankh me nami kyun hai,
Tera chehra jalima ab tak lagta humein haseen kyun hai.
 
Ishq ke bazar me nikle the tum humare sath,
Tum bik gye khushi se jo roye wo humi kyun hai.
 
Aaine ke samne muskurate hue sanvarte the hum,
Aaina puchhe humse ki mayoos teri hasi kyun hai.
 
Na kuch tha dil me humare tere aane se pahle,
Tere jane ke baad chubhti teri kami kyun hai.
 
Bheega dete the badal humein pyaar ki barish me,
Khud hi ke aansuo me bheegti ab ye zameen kyun hai.
 
Tum bewafai ke baad itne aage nikal gye,
Aur hum abhi talak baithe yahin kyun hai.
 
Tera naam lene pe dard hota hai seene me,
Phir bhi jeene ke liye tu lazmi kyun hai.
 
Ujale ka aasman rakhkar itrate the hum bahut,
Andhero me ek-tak nigaahein ab jami kyun hai.
 
Saal gujar rahe hai dil ko jawab de ‘Arshad’,
Ki aakhir ye zindagi wahin par thameen kyun hai.

​#arshaikhpoetry

Comment